¿Tijmati canque tiyas quema timiquis?
Ipan Icamanal Toteco quiijtohua para onca ome lugares campa hueli
tijtlapejpenis, mictla o ilhuicac. Quiijtohua ipan Hebreos 9:27. Toteco quitlalijtoc para nochi masehualme ma miquica san sempatzi
huan teipa monextise iixpa Toteco.
Pampa nochi timonextise iixpa Toteco huan nesis ten tijchijque
ipan ni tlali, 2 Corintios 5:10. Ica ya ni techilhuía para Toteco techtlajtolsencahuas huan techtitlanis campa quinamiqui tiyase.
Nochi tojuanti titlaixpanoni huan quinamiqui tiyase mictla, quiijtohua
Romanos 6:23.
Toteco quimati para san ica toselti amo huelis tiyase ilhuicac,
pampa san tisentlajtlacolchijtoque. (Romanos 3:10-12, Romanos 3:23-26)
Yeca quititlanqui Icone iyojtzi huan miquico topampa, Juan 3:16.
Pampa amo quinequi ma tiyacaj mictla.
¿Ta timonejnehuilijtoc canque tiajsiti sintla Toteco
mitznotzas ama?
Huelis timotlatzintoquilía quenicatza nimocualtlalis.
Monequi timomacas cuenta para ta tieli se titlajtlacolchijquetl
huan para huelis ticalaquis ilhuicac monequi tijpiyas se motemaquixtijca. Yaya Toteco Jesucristo ten motemactili ica ipaquilis,
huan quitoyajqui ieso para sese tojuanti. Techcojqui ica ieso. 1 Corintios 6:20
Mijqui ipan cuamapeli, pero amo mocajqui campa mijcatzitzi itztoque,
pampa ica eyi tonal ya moyolcuic huan ama itztoc inejmatl Itata campa techtlempalehuía. Romanos 8:34 (31-39)
¿Mitzpactisquía tijmatis tlen melahuac para tiyas ilhuicac
quema timiquis?
San xijtlapo moyolo huan xiquilhui Toteco. Xiquilhui ni camanali:
Toteco Dios, tlascamati pampa
tijtitlanqui Jesucristo ma miqui nopampa na, nijmati para nieli se nitlajtlacolchijquetl.
Techtlapojpolhui nochi nopa tlajtlacoli
catli nijchijtihualajtoc. Nimomaca cuenta para nechmonequilía se notemaquixtijca para huelis niyas ilhuicac.
Tlascamati pampa timiquico nopampa
na huan techcojqui ica moeso. Ama nijtlapohua noyolo huan nimitznotza xihuala xiitztoqui ipan nonemilis.
Tlascamati pampa techhuicas ilhuicac
masque nieli se nitlaixpanoquetl.
Ama tijnotzqui Toteco Jesucristo ma eli motemaquixtijca, xijneltoca
para ayecmo quema timocahuas moselti. (Juan 5:24) Pero ya ni, amo quinequi quiijtos para ayecmo titlajtlacolchihuas. Noja tiitztoque
ipan ni taltepactli huan noja titlajtlacolchihuase masque amo tijnequisquíaj.
Huajca xijneltoca para Toteco techhuicas ilhuicac masque amo
senquistoc tixitlahuaque, pampa Toteco amo techquixtilis cati techtlencahuilijtoc techmacas.
Pampa tijpiyaj se totlatempalehuijca quej quiijtohua ipan 1 Juan
2:1-2, ni tlamantli niquijcuilohua para amo xitlajtlacolchihuaca, pero sintla titlajtlacolchihuaj tijpiyaj se totlatempalehuijca catli
itoca Jesucristo.
Huajca ama timochijtoc tiicone Toteco, ¿huan taya quichihua se
tetaj quema icone quichihua catli amo cuali? quiijtohua ipan Hebreos 12: 5,niquincuahuasashuía nochi catli niquinselía para
elise noconehua.
Huajca monequi tijchihuase catli Toteco quipactía mojmostla para
ma techtiochihua, para tiyase elhuicac san monequi tijselise Jesucristo.
Taya monequi tijchihuase mojmostla: Monequi tijpohuase Icamanal
Toteco para tijmatise taya techilhuía Toteco. Romanos 12:2 (Lucas 11:28, 2 Timoteo 3:16-17)
Timocamanalhuise ihuaya para tijtlascamatilise tlen techmaca mojmostla
huan tijpohuilise tlen techcuesolmaca. 1 Pedro 5:7
Ma tiquinpohuilica sequinoc quenicatza Toteco Totata quititlanqui
Icone Jesucristo ma miquiqui topampa para yajuanti noquiya huelise yase ilhuicac quej tojuanti. Mateo 28:19-20 huan Romanos
10:14-15.
